FOI bill aprub sa House
MANILA, Philippines - Aprubado na ng House Committee on Public Information ang kontrobersyal na Freedom of Information (FOI) bill.
Unanimous ang naging botohan ng mga miyembro ng komite kung saan sa ilalim ng naipasang consolidated version ng FOI bill ay iniatas sa lahat ng tanggapan ng gobyerno ang otomatikong paglalabas ng impormasyon, kasama na rito ang mga kontratang pinasok ng mga ito hanggang sa Statements, Assets Liabilities and Networth (SALN) ng mga opisyal.
Nakasaad naman sa limitasyon ng panukala ang hindi paglalabas ng impormasyon kaugnay ng National Security at Foreign Policy, Personal Privacy, on going criminal investigation at business trade secrets.
Sa loob ng 15-araw, obligado ang mga opisyal na sagutin at tugunan ang request for information.
Bukod dito kailangan din may mahusay na paliwanag at basehan kung tatanggihan ang isang request.
Sakaling maging ganap na batas ang FOI bill ay mahaharap sa kasong administratibo ang isang opisyal hanggang dismissal sa serbisyo ang pwedeng maging parusa gayundin sa criminal case na may katapat na anim na buwang kulong at may haharapin pang civil case.
- Latest
