CCSC mopaluyo sa ‘No Way Out’
CEBU, Philippines - Nakakuha og igong suporta ang Yaw-Yan ArDigma Martial Arts Federation sa ilang pagpahigayon sa Cebu Extreme Fight League (CEFL) 2 nga ulohan og “No Way Out” sa Pebrero 18 diha sa Cebu Coliseum.
Kini human ang Cebu City Sports Commission (CCSC) ubos ni chairman Eduard Hayco misaad nga mosuporta sa maong mixed martial arts amateur event sa tuyo nga makakaplag og mga Cebuano fighters nga adunay potensiyal sa combat sports.
“CCSC has always been supportive for the development of young Cebuano combat athletes just like what it did in the past few years in the ‘Bakbakan sa Sugbu’ that provides MMA clinic in depressed barangays in the city and it also helped the Muay Thai Team Cebu in achieving our goals of winning tournaments,” matud pa ni Yaw-Yan ArDigma Cebu CEO/Founder Master Benigno ‘Ekin’ R. Caniga
Mopuno sa kahinam sa mga fans mao ang paggamit sa ‘steel cage’ inay ang tradisyonal nga ring.
Sa main event, ang veteran Yaw-Yan ArDigma featherweight nga si Roel ‘Akiyama’ Rosauro manalipod sa iyang balwarte batok sa bisitang si Urtych ‘Tank’ Alarin sa XFC MMA sa Butuan.
Moaway usab sa supporting bouts ang duha ka Cebuano rising prospects nga sila si Nino Rio ‘Pitbull’ Saoy sa Mactan Combat Sports ug Arnel ‘Project X’ Ylanan sa DEFTAC Vagabond Cebu. Si Saoy makigharong ni Ivan Victorio sa Yaw-Yan Olongapo MMA, samtang si Ylanan makiglayog ni Rommel Lugo gikan usab sa Yaw-Yan Olongapo.
Mga weight classes nga tigian mao ang strawweight (115 lbs.), flyweight (125 lbs.), bantamweight (135 lbs.) featherweight (145 lbs.) ug lightweight (155 lbs.)
Ang mga tiket nagkantidad og P200 sa upper box, P500 sa lower box, P750 sa ringside ug P1,000 alang sa VIP/Sponsor. Alang sa reservations ug dugang mga pangutana, mahimong motawag sa numero 255-1405 o 09436568900. (BANAT NEWS)
- Latest