Petalcorin moaway og balik
CEBU, Philippines - Ang top-ranked light flyweight contender nga si Randy Petalcorin moaway sa ikatulong higayon sud sa lima ka bulan sa dihang iyang sangkaon si Mark Anthony Florida karong Pebrero 25 didto sa SM Convention Center sa General Santos City.
Si Petalcorin nga nagbitbit og 25-2-1 record uban ang 18KOs, maoy No. 7 jr flyweight contender sa prestihiyosong The Ring magazine.
Nagtinguha si Petalcorin nga mohimo og impresyon batok ni Florida gumikan kay mao man unya kini ang mamahimo niyang yawi aron makasangka si IBF champion Akira Yaegashi sa Japan.
Hinuon, si Yeagashi kinahanglan usa nga modaog sa sunod niyang depensa batok ni IBF interim champion Milan Melindo karong Marso.
Si Petalcorin inilog kaayo batok ni Florida nga wala na makaaway pa human gipakamang sa ikapitong hugna ni Melvin Jerusalem sa ALA Boxing Gym dul-an sa duha ka tuig na ang milabay. (BANAT NEWS)
- Latest
