World Slasher Cup simula ngayon

MANILA, Philippines -  Humigit-kumulang sa 400 best cockers at gamefowl breeders mula sa Pilipinas, United States, Canada at Aus­tralia at iba pang bansa ang sasabak sa World Sla­sher Cup na magsisimula ngayon sa maalamat na Smart Araneta Coliseum.

Inorganisa ng Pintakasi of Champions, ang 10-day event ay sasalihan din ng mga cockers at aficionados buhat sa Mexico, Kuwait, Malaysia, Indonesia at Taiwan.

Nagparamdam naman ng interes na lumahok sa World Slasher Cup ang mga cockfighters ng Vietnam at Cambodia at iba pang bansa na sumali sa three-day World Gamefowl Expo sa World Trade Center.

Kumpirmado nang sasali sina Darrel Mack ng Texas, at Hall of Famers Mike Formosa at Ray Alexander.