PB Magpale nag-una sa mga resolusyon

CEBU, Philippines - Nag-una si Bokal Miguel Antonio Magpale sa adunay daghang resolusyon ug ordinansa nga napalabang sa Provincial Board sa unang unom ka buwan sa kasamtangang termino gikan sa Hulyo hangtud Disyembre 2016.

Si Magpale adunay 172 ka resolusyon ug unom ka ordinansa, Christopher Baricuatro adunay 123 ka resolusyon ug usa ka ordinansa, Jude Thaddeus Sybico adunay 86 ka resolusyon, Victoria Corominas-Toribio adunay 73 ka resolusyon ug usa ka ordinansa.

Sila si Raul Bacaltos adunay 64 ka resolusyon ug usa ka ordinansa, Thadeo Jovito “Jonkie” Ouano adunay 64 ka resolusyon ug tulo ka ordinansa, Horacio Franco adunay 63 ka resolusyon, Alex Binghay adunay 56 ka resolusyon ug usa ka ordinansa. Si Sun Shimura adunay 55 ka resolusyon ug usa ka ordinansa, Yolanda Daan adunay 54 ka resolusyon ug duha ka ordinansa, Jerome Christian Librando adunay 48 ka resolusyon ug usa ka ordinansa, sila si Bise Gobernador Agnes Magpale, Bokal Edsel Galeos ug Glenn Bercede adunay tag 36 ka resolusyon ug tag duha ka ordinansa.

Si Jose Mari “Tata” Salvador adunay 34 ka resolusyon ug duha ka ordinansa, Earl Tidy Oyas adunay 15 ka resolusyon ug usa ka ordinansa ug Celestino Martinez III adunay 11 ka resolusyon ug usa ka ordinansa.

Si Magpale sa ikalimang distrito usa sa mga nasublian sa pagkapili sa eleksiyon niadtong Mayo 9, 2016 kauban nilang Baricuatro sa ikapitong distrito, Binghay sa ikatulong distrito, Shimura sa ikaupat nga distrito ug Sybico sa ikalimang distrito.

Ang mga bag-ong napili mao sila si Bacaltos ug Daan sa unang distrito, Galeos ug Salvador sa ikaduhang distrito, Corominas-Toribio sa ikatulong distrito, Franco sa ikaupat nga distrito, Bercede ug Ouano sa ikaunom nga distrito.

Si Martinez gitangtang isip pangulo sa Liga ng mga Barangay niadtong Hulyo apan nakabalik siya sa puwesto niadtong Disyembre.

Si Oyas kinsa konsehal sa lungsod sa Catmon ang napili nga pangulo sa Philippine Councilors’ League-Cebu chapter. (BANAT NEWS)