LRT-1 nag-extend ng biyahe
MANILA, Philippines - Nag-extend ng biyahe ang pamunuan ng Light Rail Transit Line 1 (LRT-1) kahapon upang bigyang-daan ang pagsakay at pag-uwi ng mga deboto ng Black Nazarene na sumama sa Traslacion.
Nabatid sa pamunuan ng LRT-1 na dakong alas-4:30 ng madaling araw nang magsi-mula ang biyahe ng una nilang tren at mula sa dating alas-10:00 ng gabi ay ini-extend ito ng hanggang alas-11:00 ng gabi upang makapagsakay ng mas maraming deboto ng Nazareno.
Tulad naman ng pangako ng pamunuan ng LRT-1, pinayagan nilang makasakay sa kanilang mga tren ang mga deboto kahit pa naka-yapak ang mga ito.
Nagpatupad din sila ng mas mahigpit pang seguridad para sa kaligtasan ng kanilang mga mananakay.
Ang LRT-1 ay bumibiyahe sa Roosevelt Avenue, Quezon City patungo ng Baclaran, Parañaque City at vice versa.
- Latest