Beauty products at services dagdagan ng buwis

MANILA, Philippines – Mga produkto at serbisyong pampaganda ang dagdagan ng 10 hanggang 30 porsiyentong excise tax sa halip ang  mga produktong gasolina na mayroong malaking epekto sa nakakaraming publiko.

Ito ang sinabi ni Ako Bicol partylist Rep. Rodel Batocabe, na kung dadagdagan pa ng P4-P10 kada litro sa diesel, kerosene, cooking gas at bunker fuel ay mahihirapan na nang husto ang taumbayan dahil mayroon itong negatibo at domino effect lalo na sa mga mahihirap dahil na rin sa pagtaas sa mga presyo ng mga pangunahing bilihin sa merkado.

Sa sandaling dagdagan ng buwis ang mga produktong petrolyo ay nangangahulugan na rin ito ng dagdag bayad sa pasahe, kuryente, labor at iba pang halaga ng mga consumers products.

Anya, dapat sa mga beauty products at services tulad ng liposuction, facelift, nose job, breast augmentation at iba pang katulad na serbisyo ang dapat dagdagan ng buwis.

Iginiit pa ng solon na kung talagang gustong gumanda ng isang tao ay dapat niya itong paghirapan at pagbayaran ng mahal.