Alan in Yasay out
IYAN ang inaasahan nating mangyayari sa papasok na taong 2017. Mawawala na bilang Secretary of Foreign Affairs Sec. Perfecto Yasay at papalitan na siya ni dating Sen. Alan Peter Cayetano.
Iyan naman talaga ang dating kasunduan. Si Yasay ay pumayag noon pang una na maluklok sa puwesto habang hindi pa puwedeng hirangin ni Duterte si Cayetano dahil katatakbo lang nito bilang Vice President noong eleksyon.
Masaya ako para kay Yasay. Kitang-kita naman kasi na nahihirapan siya sa pagtutuwid sa mga undiplomatic remarks ni Duterte. Hindi madaling trabaho iyan. Sasabihin ng Pangulo, nakikipag-breakup siya sa US of A, tapos sasalag si Yasay at sasabihing hind yun ang ibig sabihin ng Pangulo.
Kaya nga, hindi man dapat sisihin, may mga taong tumutuligsa kay Yasay dahil ang tono ng pagsasalita niya ay kakaiba kay Duterte.
Harapin natin ang totoo, at ito ay inaamin mismo ni Duterte. Hindi siya isang “statesman” at ang posisyong hinabol niya noong eleksyon ay Pangulo.
Sa personal kong pananaw, mas akma ang takbo ng isip ni Cayetano sa estilo ni Duterte. Naririnig natin kung papaano niya pinapanigan talaga ang bawat salitang binibitiwan ng Pangulo. Sa ibang salita, “magka-vibes” silang dalawa bagamat mas matuwid ang dila ni Cayetano.
Palagay ko, dapat nang pag-aralan ni Yasay kung paano siya makakapag-adjust sa style ni Duterte kung sakaling bigyan siya ng posisyon bilang embahador ng Pilipinas sa alin mang bansa.
- Latest