De Lima pinagbibitiw sa puwesto
MANILA, Philippines - Dapat kusang magbitiw na sa puwesto si Sen. Leila de Lima matapos siyang idiin ng dating driver-lover nitong si Ronnie Dayan at Kerwin Espinosa.
Naniniwala si Buhay partylist Rep. Lito Atienza na kung lilisanin ni de Lima ang kanyang tungkulin sa Senado ay mas mabibigyan nito ang kanyang sarili ng panahon na madepensahan ang sarili sa mga haharaping kaso sa korte.
Nauubusan na umano ng panahon ang Senadora sa pagbuo ng matibay na depensa dahil sa naging testimonya nina Dayan at Espinosa.
Sabi ni Atienza, pinagtaksilan ni de Lima ang tiwala ng publiko at binahiran ang integridad ng mga tanggapan na inupuan nito, gaya ng Senado, Department of Justice pati na ang Commission on Human Rights (CHR).
Una na ring inirekomenda sa Kamara na sampahan na ng kaso si de Lima matapos ang mga naunang hearing ng Justice Committee kung saan itinuro din siya ng ilang inmates sa NBP na tumatanggap umano ng drug money.
Hinikayat naman ni Atienza si Senate President Koko Pimentel na irekomenda kay de Lima ang pagbitiw sa puwesto para protektahan ang institusyon.
- Latest
