Panukalang ‘3-digits number coding’, suportado ng MMDA
MANILA, Philippines – Sinuportahan ng Metropolitan Manila Development Authority (MMDA) ang panukala ni House Minority Leader Danilo Suarez na ipatupad ang ‘three-digits number coding scheme’ sa mga pangunahing lansangan ngayong holiday seasons para sa ikaluluwag ng daloy ng trapiko sa Metro Manila.
Ang panukala ng naturang mambabatas ay bunsod nang paglobo ng bilang ng mga sasakyang bumabagtas sa Metro Manila lalu na ngayong holiday seasons.
Ayon kay MMDA General Manager Tim Orbos, sa panukala aniya ni Suarez ay nasa 30 porsiyento ang maitutulong nito para mabawasan ang volume ng mga behikulong bumabagtas sa mga pangunahing lansangan ng Kalakhang Maynila.
Sinabi ni Orbos, ang panukala aniya ng naturang mambabatas ay ipaparating niya sa Inter-Agency Council on Traffic (I-ACT ).
Sa panukala ni Suarez, hinihikayat nito ang Department Of Transportation (DOTr), na pansamantalang ipatupad ang ‘three-digits coding scheme’ mula Lunes hanggang Biyernes, samantalang ang “two-digits number coding scheme” ay ipatupad naman tuwing weekends.
- Latest