Tropa ng militar inambus: 2 patay, 2 sugatan
MANILA, Philippines - Dalawang sundalo kabilang ang isang junior army officer ang nasawi habang dalawa pa sa tropa ng pamahalaan ang sugatan makaraang tambangan ng mga armadong kalalakihan na hinihinalang miyembro ng rouge Muslim groups sa Zamboanga del Sur kamakalawa.
Ayon kay Lt. Col. Benedicto Manquiquis, hepe ng Public Affairs Office ng 1st Infantry Division (ID) ng Philippine Army (PA), dakong alas-8:28 ng umaga nang tambangan ang mga miyembro ng Army’s 53rd Infantry Battalion habang lulan sila ng KM 450 truck sa Brgy. Guinicolalay, Dinas ng lalawigan.
Nasawi sa pananambang ang isang 2nd Lieutenant Cartagena at isa pang personnel habang dalawa pang sundalo na ‘di pa pinangalanan ang nilalapatan ng lunas.
Nabatid na habang patungo ang Bayanihan team ng militar sa kanilang aktibidad sa komunidad sa Brgy. Binuatan, Dinas nang tambangan ng mga armadong lalaki at saka mabilis na nagsitakas.
- Latest
