Sunod nga KathNiel movie giluto na!

CEBU, Philippines - Nagsugod na og pangandam sila si Katrhyn Bernardo ug Daniel Padilla alang sa sunod nila nga pelikula.

Makauban nila pagbalik si Direk Mae Cruz Alviar  nga nakatrabaho na nila kaniadto sa pelikulang  "Crazy Beautiful You”. Gihimo  na niadtong Sabado ang story conference alang sa sunod nga KathNiel movie.

Matud pa ni Direk Mae nga “light” lang matud pa  ang mga eksena niini, kumpara sa niaging pelikula sa KathNiel nga  "Barcelona: A Love Untold."

"Ang masasabi ko lang about the project is that they're coming from a romantic drama. Ngayon naman, let's be light, let's have fun," saysay pa sa direktor ngadto sa  ABS-CBN News. Nagpanikad na pag-ayo ang direktor sa maong proyekto ug masaligon siya nga malingaw gyud ang mga tawo niini.

"It's age-appropriate and excited na ako kasi alam ko na magiging masaya kami habang ginagawa ito and I'm sure people will also have fun watching it,” dugang pa niya.

Samtang si Daniel sa iyang bahin, nipadayag kini nga duna gyu’y angayan atngan nga mga eksena  ang fans nila ni Kathryn.

"Pahihirapan pa rin kami ni direk. Pero iyon iyung maganda doon, doon naman iyong mahahasa ka. Hindi naman puwede laging madali lang lahat para sa iyo, hindi ka niyan matututo,” matud pa ni Daniel.

Bag-ong genre

Suwayan sa bossa nova singer nga si Sitti Navarro ang bag-ong genre nga EDM o Electronic Dance Music. Matud pa niya nga mao kini ang iyang nakat-onan karon lang tuiga. Mao kini ang iyang gikahinamang buhaton sa iyang 10th anniversary concert sa Music Museum karong Nobiyembre 25 ug 26. 

Propesyonal sa trabaho

Mapasalamaton ang Brazilian beauty queen nga si Priscilla Meirelles ngadto kang Janice de Belen tungod kay gitabangan gyud siya aron molambo ang iyang pag-arte isip inahan sa serye nga Be My Lady. Matud pa ni Priscilla nga dili babag sa ilang trabaho ang ilang personal nga issue. Dugang pa niya nga bilib siya sa propesyonal ni Janice sa trabaho.  Si Priscilla maoy inspirasyon sa kanhi hinigugma ni Janice nga si John Estrada.

Kita sa Aldub

Mitambong sila si Maine Mendoza ug Alden Richards sa pagbukas  sa GMA Kapuso Foundation’s Celebrity Ukay-Ukay niadtong Sabado sa World Trade Center. Niabot ngadto sa P40, 000 ang kita sa  mga personal nga gamit sa AlDub. Ang jacket ni Maine nabaligya sa kantidad nga P15,000 ug ang sneakers ni Alden nahalin sa kantidad nga $300.

Crush material

Gidayeg ni Rocco Nacino ang kaanyag sa iyang onscreen partner nga si Sanya Lopez. Matud pa niya nga crush material ang iyang makita kang Sanya gumikan kay sakto gyud sa hulma ang lawas niini bisan pa man nga kusog kini mokaon.

Gidawat ang resulta

Gibutyag ni  Direk Joyce Bernal  nga girespeto niya ang resulta sa pagpili sa Top 8 sa umaabort nga Metro Manila Film Festival. Nasayran nga siya ang direktor sa pelikula nila ni Vice Ganda ug Coco Martin nga Super Parental Guidance. Wala malakip sa listahan ang maong pelikula.

Barbie  na-feature

Ang Kapuso aktres nga si Barbie Forteza ang usa sa mga na-feature sa usa ka international fashion magazine nga Slacker Magazine nga nakabase didto sa Tallin, Estonia. Tua usab sa maong dapit ang aktres alang sa pagtambong sa Tallin Black Nights Film Festival alang sa iyang independent film nga  “Tuos”. 

Bakasyon grande

Kasamtangang nagbakasyon  karon ang ex-couple nga sila si Jennylyn Mercado ug Dennis Trillo didto sa Amsterdam, Netherlands. Taodtaod na nga gidungog ang ilang panagbalik. 

Libreng concert

Mopahigayon og libre nga birthday concert ang Harana Prince nga si Michael Pangilinan sa mismo niyang adlaw’ng natawhan karong Nobiyembre 26 sa gabii  sa Rajah Sulayman Park nga. Matud pa ni Michael nga mao kini ang iyang pamaagi aron mohatag og pasalamat sa iyang kalampusan nga iyang naangkon sulod sa lima  ka tuig sa industriya.

Adunay limitasyon

Malipayong gipadayag sa aktres nga si Gabbi Garcia nga human niya saulugon ang iyang 18th birthday, kinahanglan na niya nga mo-level up sa iyang performance isip artista. Matud pa niya nga komportable siya sa pagpakita sa gamay nga parte sa iyang lawas apan wala usab niya makita ang iyang kaugalingon nga mo-pose  sa usa ka sexy  magazine. Dugang pa niya nga adunay limitasyon ang iyang pagpa-sexy sa telebisyon.

Bisan kinsa

Komportable ang aktres nga si Loissa Andalio sa iyang mga nakapares kaniadto sa iyang mga nahimong proyekto. Andam usab siya nga makatrabaho ang  bisan kinsa nga aktor . “Open naman ako kahit kanino ako mapartner kasi alam ko naman na mas alam ng management yung best para sa akin”, suma pa ni Loissa. (BANAT NEWS)