Romantic relationship sa driver/bodyguard inamin... De Lima mag-resign na!

MANILA, Philippines – Matapos aminin ang relasyon sa kanyang driver/bodyguard na si Ronnie Dayan ay hiniling kahapon ng Malacañang na magbitiw na bilang miyembro ng Senado si Sen. Leila de Lima.

Ito ang sinabi kahapon ni Chief Presidential Legal Counsel Salvador Panelo sa Malacañang reporters makaraang hayagan nitong aminin sa programang Bawal ang Pasaway ni Mareng Winnie Monsod sa GMA 7 na nagkaroon siya ng romantic relationship sa kanyang driver-bodyguard na si Dayan.

“The admission by De Lima on her romantic, albeit illegal and moral, liaison with her bodyguard-driver validates the accusation of President Rodrigo R. Duterte that the senator committed unlawful and immoral acts and opens her to a criminal charge of adultery, her lover being a married man. It strengthens the case filed against her on her involvement in the drug operations. It opens her to expulsion procee­dings in the Senate by the Senate Ethics Committee for immorality and grave misconduct in office apart from opening herself to disbarment proceedings as a member of the bar for immorality and unethical conduct,” wika pa ni Sec. Panelo.

Inilarawan pa ni De Lima ang kanyang romantic involvement sa kanyang driver-bodyguard na tumagal ng ilang taon bilang “frailties of a woman.”

Ikinatuwa naman ni Justice Secretary Vitaliano Aguirre II ang pag-amin ni De Lima dahil tumibay ang basehan na nagsabwatan sila ni Da­yan para makinabang sa drug money mula sa New Bilibid Prison (NBP) at lalakas ang kanilang kaso.

Sa pag-amin anya ni De Lima sa kanilang “illicit love affair” ay mistulang inamin na rin umano nito na talagang ginamit niya si Dayan sa pangongolekta ng pera mula sa mga high profile inmates sa NBP na ginamit umano ng senadora noong May elections.

Kaya’t mabubura na rin umano ang mga sinabi ng senadora na fabricated o gawa-gawa lamang lahat ang mga inaakusa laban sa kanya ng DOJ.

 Posible rin daw na matanggalan ng lisensiya si De Lima bilang abogado dahil sa isyu ng imoralidad, sapagkat kahit hiwalay ito sa kanyang asawa at nakipagrelasyon naman sa isang taong kasal na.

Matapos aminin ang relasyon kay Dayan ay  tumanggi na si De Lima na pag-usapan ang kanyang pribadong buhay at hindi anya siya kompor­tableng sagutin ang mga personal na bagay.

Idinagdag ni De Lima na hindi tama ang kanyang pakiramdam kapag napapag-usapan sa publiko ang kanyang “private matters”.