Misis dinedo sa harap ng bahay
LEGAZPI CITY, Albay, Philippines – Bulagta ang 62 anyos na misis matapos itong ratratin ng dalawang gunmen habang nagpapahangin sa harap ng kanyang bahay sa Barangay Mahayahay sa bayan ng Placer, Masbate kamakalawa ng umaga. Patay bago pa man umabot sa Placer Municipal Health Center ang biktimang si Isabel Almodal. Base sa police report na isinumite sa Camp Simeon Ola, nakatayo sa harap ng bahay ang biktima nang lapitan at pagbabarilin ng gunmen. Narekober sa crime scene ang apat na basyo ng bala ng cal. 45 pistol habang patuloy naman ang imbestigasyon.
- Latest