Kamingaw sa classroom
Ni-report kay lagi first day of class apan sa akong pagsulod sa classroom kini mingaw pa kaayo kay wala pa man ang mga bata kay padayon pa man ang enrollment nila. Ang kamingaw maoy nakahatag nako og kahigayonan nga mobasa og libro ingon man mosuwat. Sa akong paggawas akong nahimamat ang kanhi ko estudyante. Iya kong gipangutana kun nakaila ba ko niya. Ako siyang giingnan nga Oo apan hugtanon siyang ni-follow up kun kinsa kuno ang iyang ngalan. Ning tungora ako nahilom na uban ang gihambing kauwaw kay wa nako matubag ang pangutana niya. Sa kinabuhi mahinungdannon kaayo ang relationality. Kini tungod kay paagi kini diin imong gihatagan og kahulogan ang tawo nga imong gikahibalag ug sa pag-ila nimo niini imong nakita ang kinahanglan sa paglitok mismo sa iyang pangalan. Ang individual footnote diin siya imong mahinumdoman.... Hinumdoman mo siya ug imong himoong kabahin sa imong kinabuhi ug panaw sa kalambigitan...ug ning paagiha maka-feel siya nga siya importante
- Latest