P.3-M pabuya sa killer ng Korean trader

TUGUEGARAO CITY, Cagayan, Philippines – Nag-ambag ng P.3 milyong pabuya ang Korean community para sa sinumang makapagbibigay ng impormasyon sa suspek na pumatay ng Korean trader noong nakaraang linggo sa Baguio City. ?Ito ang inihayag kamakalawa ni City Mayor Mauricio Domogan sa kanyang pagpapaabot ng pakikiramay sa mga naulila ni Jeon Jun Seo alias Henry Seo, 52.? Ayon kay Mayor Domogan, nabahiran ng pangamba ang nasabing lungsod sa naganap na insidente. Si Seo ay sakay ng kanyang kotse kasama ang kabiyak na si Chris Joy Jerez nang lapitan at pagbabarilin ng nag-iisang gunman sa Barangay Upper Pinget.? Kapwa isinugod ang dalawa sa Pines City Doctors Hospital kung saan idineklarang patay ang Korean trader habang patuloy pa rin ang imbestigasyon ng pulisya.