Mag-asawa itinumba
MANILA, Philippines - Pinagbabaril ang isang mag-asawa sa tapat ng kanilang bahay ng tatlong kalalakihan kahapon sa Las Piñas City.
Namatay noon din ang mag-asawang sina Jose Bongalon Sr., 60, dating barangay tanod at misis nitong si Marilou, 58, kapwa nakatira sa Molave St., Samantha Village, Brgy. Talon 5 ng naturang lungsod.
Batay sa ulat, bago naganap ang krimen sa tapat ng bahay ng mag-asawa dakong alas-5:45 ng umaga ay kararating lamang ng mga ito buhat sa palengke at habang inaayos ang kanilang mga pinamili ay sumulpot ang tatlong armadong kalalakihan at walang kaabog-abog na pinagbabaril.
Iniwan ng mga suspek ang isang karatula na may nakasulat na “maghanda na kayo tanod at pulis, nalalagasan na kami”.
- Latest