Irving nagpasikat sa panalo ng Cavaliers laban sa Rockets
CLEVELAND - Nagiging ordinaryo na para kay Kyrie Irving ang kanyang pagpapasikat.
Humataw si Irving ng season-high 32 points at nanatiling malinis ang baraha ng reigning NBA champion Cleveland Cavaliers matapos talunin ang Houston Rockets, 128-120.
‘He’s growing every day,” sabi ni LeBron James, nagtala ng 19 points at 13 rebounds, kay Irving. “He’s only 24 years old. He’s special.”
Nagdagdag naman si Kevin Love ng 24 points para sa Cleveland na may anim na players na naglista ng double figures.
Itinaas ng Cavaliers ang kanilang record sa 4-0 sa unang pagkakataon matapos ang 16 taon.
Pinangunahan ni James Harden ang Rockets sa kanyang season-high 41 points at 15 assists.
Ang three-point shot ni Ryan Anderson ang naglapit sa Houston sa 112-114 agwat sa huling 2:18 minuto ng fourth quarter.
Ngunit nagsalpak ng tres sina James, J.R. Smith at Irving para ilayong muli ang Cavaliers sa 125-116 sa natitirang 34 segundo.
- Latest
