‘Pacman’ mas kikita kapag nanatili sa welterweight

LOS ANGELES – Sa welterweight class la-mang makakatanggap ng malaking premyo si Manny Pacquiao.

Kaya naman gusto ni trainer Freddie Roach na manatili si Pacquiao sa nasabing dibisyon.

Maski makakaya ni Pacquiao na lumaban sa 140 pounds (super lightweight) na hindi manghihina ay sinabi ni Roach na mas malaki ang premyong nakalatag sa welterweight (147 pounds).

“All the big fights at are at 147,” wika ni Roach noong Sabado matapos ang workout ni Pacquiao na tinampukan ng six-round sparring session kay super lightweight contender Raymundo Beltran.

Ngunit huling nagta-la ng knockout win sa welterweight category si Pacquiao noong 2009 laban kay Miguel Cotto.

Ngunit kung maba-bayaran naman si Pacquiao ng malaki kahit hindi siya makapagta-la ng knockout win ay tama lamang na manatili siya sa welterweight.

“I think we have to stay here, because there’s no money at 140 (junior welterweight),” wika ni Roach.

Sakaling mapabagsak ni Pacquiao si WBO welterweight champion Jessie Vargas sa Sabado sa Las Vegas (Linggo sa Manila) ay mas mala-king premyo ang kanyang makukuha sa natu-rang weight class.

Nariyan ang mga welterweight kings na sina Keith Thurman (WBA), Kell Brook (IBF) at Danny Garcia (WBC).