Rapist ng guro patay sa pang-aagaw ng baril
MANILA, Philippines - Isang 36-anyos na lalaki na inaresto ng pulisya dahil panghahalay umano sa isang guro ang napatay nang agawan nito ng baril ang isa niyang police escort kamakalawa ng gabi sa Caloocan City.
Hindi na umabot ng buhay sa ospital ang suspek na si Pablo Dagsa, tubong Samar, at pansamantalang naninirahan sa Phase 9, Package 1, Lot 3, Block 20, Bgy. 176 Bagong Silang, ng naturang lungsod.
Bago ito nangyari ay unang nadakip si Dagsa kamakalawa nang ireklamo nang panggagahasa sa isang public school teacher at nang maayos na ang mga papeles para masampahan ng kaso sa piskalya.
Habang sakay ang suspek ng patrol vehicle nang bigla umanong tangkaing agawin nito ang baril ng escort niyang si PO1 Donacion Marin at bago maiputok ng suspek ang baril ay inunahan na ito ni PO3 Steven Suase.
Sa kasalukuyan ay wala pang detalye ang pulisya sa ulat na panghahalay ng suspek sa isang guro.
- Latest
