Tinedyer utas, 2 sugatan sa truck
MANILA, Philippines - Namatay noon din ang isang 15-anyos na estudyante habang dalawa ang malubhang nasugatan nang bumaliktad ang sinasakyan nilang truck kamakalawa ng hapon sa matarik na highway ng Brgy. Catlubong, Buguias, Benguet.
Ang nasawi ay kinilalang si Razel Butata na nagtamo ng malalalim na sugat sa iba’t ibang bahagi ng katawan nang maipit sa truck.
Ang dalawang nasugatan na dinala sa Baguio City General Hospital ay ang driver ng truck na si Jerico Butata, 21; at helper nitong si Benson Liwan, 20.
Batay sa ulat, dakong alas-3:00 ng hapon ay binabaybay ng Elf truck (XHY-80) na puno ng mga kargang gulay ang kahabaan ng matarik na highway ng Sitio Lusab, Brgy. Catlubong nang mawalan ng preno bunsod upang magpagewang-gewang hanggang sa sumalpok sa konkretong barandilya at bumaliktad.
- Latest