Vargas, Tolentino disqualified sa Nov. 25 POC Elections

MANILA, Philippines – Mabilis at hindi na pinatagal ng Commission of Elections ng Philippine Olympic Committee ang kandidatura nina Ricky Vargas ng boxing association at Philcycling president at Cavite Rep. Abraham Tolentino.

Diniskuwalipika  kahapon ng nasabing komite sina Vargas at Tolentino para sa pagtakbo sa POC presidency at chairmanship, ayon sa pagkakasunod sa idinaos na POC General Assembly sa Wack Wack Golf and Country Club.

Si Vargas ng Associa-tion of Boxing Alliances of the Philippines ang hahamon sana kay incumbent president Jose ‘Peping’ Cojuangco, Jr. ng equestrian.

“Candidates Ricky Vargas (Pres.) & Bambol Tolentino (chair) DISQUALIFIED frm running in POC elections. They didn’t waste any time,” ang tweet naman ni ABAP executive director Ed Picson.

Ayon sa POC COME-LEC, hindi natugunan nina Vargas at Tolentino ang election requirement sa ilalim ng Article 7 Section 11 ng POC Cons-titution kung saan ang president at chairman ay dapat “an active member of the POC general assembly for two consecutive years at the time of their election.”

Nakatakda ang POC elections sa Nobyembre 25.

Tiniyak ni ABAP secretary general Patrick Gregorio na ipoprotesta nila ang nasabing desisyon ng POC CO-MELEC, binubuo nina Abono party list Rep. Conrado Estrella, dating International Olympic Committee representative to the Philippines Frank Elizalde at Bernie Oca ng La Salle.

Kung hindi babaguhin ng komite ang kanilang desisyon ay inaasahan nang makakamit ng 82-anyos na si Cojuangco ang kanyang ikaapat na sunod na termino bilang pangulo ng POC sapul noong 2004.

Ang huling pagkakataon na may humamon kay Cojuangco para sa presidential seat ng POC ay noong 2008 nang labanan siya ni shooting chief Art Macapagal.

Sa naturang POC presidential race ay nalusutan ni Cojuangco si Macapagal, 21-19.

Ang iba pang nasa ti-ket ni Vargas at tatakbo sa kani-kanilang posisyon ay sina Rep. Albee Benitez ng badminton (1st vice president), retired Gen. Lucas Managuelod ng muay thai (2nd vice president), Samahang Basketbol ng Pilipinas (SBP) executive director Sonny Barrios (treasurer) at Ting Ledesma ng table tennis (auditor).

Iniurong kamakalawa ni Ledesma ang kanyang kandidatura.