Pinas bibili ng 2 brand new warship sa South Korea
MANILA, Philippines – Matapos ang pagbili ng mga segunda manong barkong pandigma mula sa Estados Unidos, bibili ng mga brand new na mga warship ang Philippine Navy mula sa South Korea.
Ito’y matapos na lagdaan na kahapon nina Defense Secretary Delfin Lorenzana at mga opisyal ng Hyundai Heavy Industries ng Korea ang kontrata sa pagbili ng AFP ng dalawang bagong frigates para sa Philippine Navy.
Nabatid na nagkakahalaga ng P336.9 milyong dolyar o mahigit P18.7 bilyon ang halaga ng mga bagong barkong pandigma na bibilhin sa South Korea.
Ang frigate acquisition program, ang pinakamalaking proyekto ng Philippine Navy, at ang pinaka-mahal na kontratang nilagdaan sa ilalim ng administrasyon ni Pangulong Rodrigo Duterte.
Sinabi ni Capt. Lued Lincuna, director ng Naval Public Affairs Office, ang pagbili ng dalawang bago at modernong frigates ay isang malaking hakbang sa bansa at higit pang makapagpapaangat ng capability upgrade ng Philippine Navy.
- Latest