CV maapil na sa free dengue vaccine
CEBU, Philippines - Tungod sa nagkataas nga kaso sa dengue sa Central Visayas ang Department of Health-7 naglaum nga ang pagpanghatag sa free dengue vaccination mahinayon ug maapil ang rehiyon sa listahan sa mga pilot areas.
Kini gikatakda nga ma-implementar sa dili pa mahuman ang tuig o mas labing dugay ngadto na kini masugdan sa unang mga buwan sa 2017, matud ni Dr. Shelbay Blanco, cluster head sa Regional Epidemiology and Surveillance Unit sa DOH-7.
Sayo niini ang DOH nakahukom nga humanon una ang pag-implementar sa dengue school-based immunization sa tulo ka pilot areas sa Luzon.
Apan nausab ang hukom sa DOH human si Kongresista Gwendolyn Garcia sa Sugbo nihangyo nga i-prioritize ang Central Visayas atol sa budget hearing sa DOH sa Kongreso.
Tungod niiini, ang DOH nipahibawo nga ang Central Visayas mahimong ika-upat nga pilot area sa dengue immunization program nga igahin ngadto sa pipila ka estudyante sa publikong eskwelahan.
Ang dengue vaccination limitado lang nga ihatag sa Grade 4 nga mga tinun-an sa publikong eskwelahan sa Central Visayas. (BANAT NEWS)
- Latest