2 utas sa pamamaril
NORTH COTABATO, Philippines – Patay ang 49-anyos na magsasaka at kasama nitong barangay health worker makaraang ratratin ng hindi kilalang lalaki sa kahabaan ng Highway sa Purok Lumboy, Barangay New Leon sa bayan ng Aleosan, North Cotabato kamakalawa ng gabi. Sa report na nakarating kay P/Supt. Bernard Tayong ng CPPO, kinilala ng mga biktima na sina Ricardo Alod Cambel, 49, may asawa, magsasaka at residente ng Purok Cabugao, Brgy. New Leon at Daisy Campoy Calibayan, 54, biyuda, barangay health worker sa Barangay Catalicanan sa nasabing bayan. Batay sa ulat ng pulisya, magkaangkas sa motorsiklo ang dalawa na patungong Aleosan proper mula sa Barangay New Leon nang harangin at pagbabarilin ng hindi kilalang lalaki. Tinangay ng gunman ang motorsiklo ng mga biktima matapos na makitang bumulagta ang mga ito.
- Latest