Surrenderee o surrenderer?

Niining atong pakigbugno batok sa suliran sa gidiling druga, daghan na kaayo ang mi-surrender gumikan sa kahadlok nga ma-tukhang unya sila. Ug ang atong gigamit nga pulong sa mga mi-surrender - mga surrenderees.

Bisan sa imbestigasyon sa Kongreso, in aid of legislation, ang mga mi-surrender were referred to as surrenderees. Misuway mi’g pangutana sa Google, ug ang tubag: surrenderee – the person to whom the surrenderer of an estate is made. Surrenderer – a person who yields or surrender.

* * *

Makasaysayanon kaayo kining pagduaw ni Presidente Digong Duterte sa China. Gipaabot nga mapalambo pag-ayo ang pamatigayon tali sa duha ka nasud. Apan, kun maghisgot kita’g patigayon, pagkakaron, at least, adunay walo ka dagkong Pilipinhong kompaniya ang atua na karon sa China.

Ania ang walo, sumala ni Doris Dumlao-Abadilla sa Inquirer: 1.) Oishi Group (Liwayway Marketing); 2.) Jollibee Foods Corp.; 3.) Lucio Tan Group; 4.) SM Group; 5.) San Miguel Group; 6.) Gokongwei Group; 7.) Ayala Group; 8.) United Laboratories.

Ang negosyo sa Oishi Group (Liwayway Marketing) – starch, coffee, confectionaries, basic commodities. Na-established niadtong 1984, ug karon, usa na sa top five snack food sa China. Pagkakaron, ang Liwayway Marketing, aduna nay 16 ka pabrika.

Ang Jollibee mibukas sa ilang kompaniya niadtong 1994. Karon aduna na silay 321 ka tindahan. Sa 2008, mi-take over sila sa Hong Zhuang Yuan, usa ka congee chain nga karon aduna nay 40 ka restawran, ug sa 2014, napalit usab ang San Ping Wang, usa ka noodle chain nga adunay 59 ka tindahan. Ang Jollibee nanag-iya sa 60% sa usa ka joint venture consortium, nga mi-commit pagtukod og 1,459 ka tindahan sulod sa 20 ka tuig.

Ang Eton Properties Group ni Lucio Tan nagmalampuson sa real state nga patigayon. Ang one-billion yuan nga ‘The Bank Center,’ giisip nga usa ka symbolic piece of architecture sa Xiamen, adunay 460 ka hotel room, ang five-star Eton Hotel  sa Shanghai ug private International Club sa Xiamen.

Sa kinatibuk-an, ang Lucio Tan Group nag-okupar og kapin sa two  million square meters nga luna nga nagkatag sa mga dagkong siyudad sa China. Mga dagkong proyekto: 6 billion yuan ($1 billion) lima ka dagkong mixed-up complex building, ug ang 8 billion yuan ($1.2 billion) nga laing building project. Ang Philippine Airlines adunay regular flights paingon ug gikan sa China. Sa sunod nato nga lindog, ang bahin sa SM, Gokongwei, Ayala, San Miguel Groups, ug United Laboratories.