Mission appeal
Sa Cebu Metropolitan Cathedral kami niadto dako kaayo ang among pasalamat nga sila si Mons. Ruben Labajo, Mons. Renato Beltran, Frs. Makoy Villamor, Val Gemelo, Eric Orio ug Jonathan Rubin sa kahigayonan nga gihatag. Pagka-ugma ang mga utang dayon gibayran. Apan usa sa mga nindot nga kasinatian mao nga ang kaparian mitabang sa pag-explain sa akong panginahanglan nga tungod niini daghan sa mga tawo ang niduol aron motunol sa ilang hinabang. Dungan ang pag-ingon nga wala kamo mag-inusara uban kami sa inyong panaw. Dinhi nasinati ko kun unsa diay ka maayo ang Ginoo. Dunay mga pamaagi nga lisud kaayo sabton apan sa kaulahian atong makita kun unsa diay kamabungahon ang maong mga pamaagi. Salamat sa Ginoo ning maong kasinatian ug kini ang nakahatag kanamo og kaisog sa pagpaningkamot aron mamahimong mas molambo pa dili lang ang estraktura kun dili hasta na usab ang katawhan.
- Latest