Raymart ug Mon nag-sinukmagay sa airport

CEBU, Philippines - Naukay ang mga tawo  kagahapon sa udto sa Terminal 3 sa Ninoy Aquino International Airport (NAIA) human nahitabo ang usa ka  eskandalo nga gilangkoban sa TV host nga si Mon Tulfo ug sa magtiayong  Raymart Santiago ug Claudine Barretto.

Giingong  nangisog  si Claudine Barretto sa counter sa NAIA 3 gumikan kay nawala matud pa ang bagahe nila ni Raymart.

Gikan sa Boracay ang magtiayon, samtang gikan usab sa Davao City si Tulfo.

Suma pa sa report sa PEP nga nakit-an ni  Raymart nga gikuhaan ni Mon og video pinaagi sa cellphone ang pagpangisog ni Claudine ug mao kini ang sinugdanan sa kagubot.

Gi-interview si Mon sa usa ka radio station sa kaulohan ug misaysay kini  nga naluoy siya sa ground steward nga giyawyawan pag-ayo ni Claudine.

Matud pa nga namugos pag-ayo si Raymart ug ang mga kaubanan niini nga bargohon ang cellphone ni Mon ug miresulta kini sa pagsinukmagay .

Dugang pa nga namuwa pag-ayo ang mata ni Mon  gumikan sa maong hitabo.

Ang duha ka kampo midangop sa  Investigation and Intelligence Division sa Airport Police Station alang sa pagpadangat sa ilang complaint.

Cristine nagminaldita?

Nag-atubang na pud og bag-ong isyu si Cristine Reyes kung diin gibutyag sa iyang ate Ara Mina nga kusog kaayo kini mosukol sa ilang inahan. Ang inahan sa magsuon nagdumili sa paghatag og reaksyon niini.

Marian ganahan og comedy

Giangkon ni Marian Rivera nga komportable siya sa comedy show ikumparar sa drama busa wala kaayo siya ma-pressure sa bag-o niya nga programa sa GMA-7 nga Tweets For My Sweet.

Elmo mi-deny sa isyu

Todo himakak si Elmo Magalona sa nanggawas nga report nga matud pa duna sila’y sekretong relasyon sa Kapamilya star nga si Lauren Young.

Solo flight

Nag-inusara lang nga mitikang si Derek Ramsay didto sa Boracay ug dili tinuod ang taho nga matud pa dunay babaye nga gikauban niini sa maong bakasyon.

Kasalanan Bang Ibigin Ka

Nakahulma na og titulo ang GMA-7 sa bag-o nila nga afternoon show nga bidahan nila ni Geoff Eigenmann, Jackie Rice, Michael De Mesa ug  Angelika dela Cruz. Kini nag-ulohan og Kasalanan Bang Ibigin Ka.

Chynna dili pa  andam magminyo

Gibutyag ni Chynna Ortaleza nga bisan dul-an na sa  siyam ka tuig ang relasyon nila ni Railey Valeroso, wala pa gyud masulod sa ilang huna-huna nga magminyo.

Tsika pa ni Chynna ngadto sa mga sakop sa Cebu Entertainment Press kagahapon nga wala’y angay dalian basta ang importante nga na-enjoy sila pag-ayo sa ilang relasyon.

“Ang importante na masaya kaming dalawa, basta darating din  ang tamang panahon para sa ganyang bagay,” suma pa sa 29 anyos nga aktres.

Samtang naghinam-hinam na si Chynna sa mahimong resulta  sa umaabot niya nga show sa GMA, ang Luna Blanca.

Matud pa ni Chynna nga nakadawat siya og offer sa laing network apan wala niya dawata gumikan kay loyal siya sa GMA ilabi na karon nga duna  siya’y  unom ka tuig nga  guaranteed contract sa maong network.

Singsing ni Rhian peke

Kanunay suoton ni  Rhian Ramos ang fake niya nga  engagement ring kung motikang siya sa laing nasud aron wala’y mga lalaki nga modiskarte kaniya.

Tinud-on gyud

Gipatigbabaw ni Mrs. Rina Casiño ang legal nga proseso aron masilotan gyud ang mga tawo nga nangulata sa iyang anak nga si Albie niadtong Biyernes sa gabii sa usa ka restaurant sa Makati City.

Isko mitapon na ni Erap

Nakig-alyansa na si Manila Vice Mayor Isko Moreno sa kampo ni kanhi presidente Joseph Estrada busa daghan ang nahiubos sa bise mayor sa pagbiya niya kang Mayor Alfredo Lim.

Sen. Miriam giidolo ni  Louise

Gi-career pag-ayo ni Louise delos Reyes ang iyang 300 ka oras nga on-the-job training (OJT) sa protocol office sa senado ug nagplano siya nga magpadestino usab sa buhatan ni Sen. Miriam Santiago alang sa nahibilin niya nga oras gumikan kay usa kini sa iyang mga giidolo nga senador.

Bantay Bata

Sa dili pa mogikan sa set sa Eat Bulaga, si Ryan Agoncillo  mismo ang mobantay sa mga anak nila ni Judy Ann Santos matag buntag samtang natulog pa ang iyang asawa.

Coño Problem

Mag-uban sa usa ka pelikula sa  GMA Films sila si  Maxene Magalona, Solenn Heussaff, Isabelle Daza, Bianca King,  Aljur Abrenica ug Mikael Daez ug kini nag-ulohan og  Coño Problem.