Group temperament defines voting trend

“I’ve never got there.” Kini maoy usa sa pipila ka mga linya ni Piolo Pascual sa umaabot nila nga movie ni Regine Velasquez, ang “ Paano Kita Iibigin” ubos sa Viva Films ug Star Cinema. Linya nga dili malimtan, hinunua kanunay nga magkidlap-kidlap sa panumduman sa mga nagpunay og tan-aw sa telebisyon. Brutal, walay kasing-kasing ug dili tawhanon ang binuhat nga mubuhi nianang maong linya ngadto sa usa ka nilalang nga nagpakisayod kun gimahal ba siya. Andam ba kining buhian ni Piolo kun ugaling masinati niya ang maong sitwasyon sa tinuod nga kinabuhi?

“Hindi. Napakasakit naman nyan. Hindi ko talaga sasabihin yan,’ diretso niyang tubag atol sa presscon nilang duruha ni Regine alang sa maong pelikula, diha sa Crown Regency Hotel sa Lapu-lapu City.

Dili malimod nga mas sikat ug mas una nga misikat si Regine kang Piolo, ug matud pa sa aktor bulahan siya nga nakabaton og higayon nga makauban ang Asia’s Songbird.” Puros positibo ang mga pulong nga gibuhian ni Piolo alang kang Regine.

“ She is very nice person, napa genuine niya. She is very down to earth and I’m privileged to work with her. You just have to take time to know her better,” nagkanayon si Piolo.

Tungod niini walay nasulti si Regine kun dili pulong sa pasalamat. Apan ngano man nga dunay mga tawo ug mga taho nga lahi ang batasan sa Asia’s Songbird luyo sa camera? Tubag ni Regine nga natural ang maong mga intriga tungod kay lumolopyo siya sa showbiz, ang importante nasayod siya og unsay tinuod ug nakaila siya sa iyang kaugalingon.        Pero giangkon  niya nga isip tawo, masakitan gihapon siya sa higayon nga dunay mga pagdaot sa iyang kaugalingon.

“ It’s fine with me but I’m only human. Nasasaktan pa rin ako,” nagkanayon siya.

Atol sa maong presscon, gibutyag usab ni Piolo nga labihan ka maayo ni Regine sa iyang mga eksena. “ Napaka sincere, napaka natural ng atake niya. She is very down to earth. She’s down to earth, mas grabe ang ibinigay niya bago pa hiningi ng direktor.”

Diin maggikan ang emosyon nga iyang gibubo aron mogawas nga natural ang iyang pag-arte? “Lahat tayo naka-experience na may nawala, namatayan. Lahat tayo we go through break-up. Siguro doon ako nakaka relate.” Gawas pa matud niya, gisabot niya ang iyang character, “umaasa ako sa character.”

Gibutyag ni Regine nga labing lisod niya nga eksena ang ilang “ confrontation” ni Piolo kay milungtad og usa ka adlaw ang paghimo niini. Unang higayon usab matud pa niya ang modala og papel sa usa ka inahan. Ug kun sa inyong paminaw, nakita na ninyo ang tanan nga gitago ni Piolo isip artista, kana maoy dako ninyong sayop. Pwes angayan nga tan-awon na lang matud pa niya ang ilang pelikula, ilabi kay matud ni Regine kini maoy labing “daring” sa tanan na niyang nagama.

Ang “Paano Kita Iibigin,” nga co-production sa Viva Films ug Star Cinema, sa direksyon ni Bb. Joyce Bernal isalida sa mga sinehan lukop nasud karong May 30.  — Ryan Mark