Di ganahan ni KC?

CEBU, Philippines - Exclusive ra sa Startalk karong hapon ang paglugwa ni Hollywood actor Michael Madsen aron i-promote ang iyang pelikula nga Outrage, nga isalida na karong Aug. 18. Kauban niya ang bida niining maong pelikula nga si Ace Cruz. Ang tsika, gisalikway ni Madsen ang iyang paggawas unta sa Simply KC kagahapon sa buntag.

Hunungi na si Rayver inday!

Gipasanginlan si Cristine Reyes nga gigamit ra ang iyang ex-boyfriend nga si Rayver Cruz aron kagubtan ang iyang drama series sa ABS-CBN nga “Kristine” nga magsugod na karong Lunes puhon, hulip sa Rubi.

Magpakasal sa ‘Pinas

Plano matud pa nila ni Krista Ranillo ug Nino Lim nga magpakasal dinhi sa Pilipinas sunod tuig. Ang duruha bag-o lang nagpakasal didto sa Long Beach, California.

Anne sa Bulaga ug Win na Win!

Makita karong udto sa Eat Bulaga si Anne Curtis aron i-promote ang iyang pelikula nga In Your Eyes, ubos sa Viva ug GMA Films, diin kauban niya sila si Richard Gutierrez ug Claudine Barretto. Makita pud siya sa Pilipinas Win na Win sa ABS-CBN karong udto.

Pagtarong Bella!

Gitambagan ni BB Gandanghari ang iyang pag-umangkon nga si Bella Padilla, kinsa party jock sa Party Pilipinas ug co-star sa Endless Love sa GMA-7, nga tarungon ang iyang fashion style….gikan sa www.stir.ph

Lindsay pagawson na

Posible matud pa nga mugawas na sa dili madugay gikan sa rehab center ang kontrobersyal nga si Lindsay Lohan. Buot pasabot dili na matud pa kinahanglan nga tapuson gyud niya ang 90 ka adlaw nga rehab nga maoy hukom sa korte.

Tsika ni Dante Meyers, ang prosecutor sa kaso ni Lindsay, ngadto sa RaderOnline.com mao nga hapit na makagawas ang actress/pop star sa UCLA Medical Center.

“My understanding from conversations with Shawn Chapman Holley is that Miss Lohan could be released early from the treatment facility,” nagkanayon si Meyers. “It is looking as if that is what the health care professionals are going to recommend.”

Kahinumduman nga gipailawom og 90 ka adlaw nga rehab si Lohan gumikan sa iyang paglapas sa iyang probation sa kasong pagmaniho bisan hubog niadtong 2007. Gibalhog pud siya sa bilanggoan sulod sa 13 ka adlaw.

Richard dili opaw

Dili tinuod nga nagpa-opaw si Richard Gutierrez para sa iyang hosting stint sa Survivor Philippines. Pero tinuod nga bag-o siya og hairstyle para sa nahisgutang reality show sa GMA-7.

Leandro balik ‘Pinas

Tulo ka buwan ang bakasyon sa kanhi matinee idol nga si Leandro Munoz dinhi sa Pilipinas, busa posible nga makaraket siya sa pipila ka TV shows. Bakasyon si Leandro dinhi, pero duna pud siya’y special participation sa In Your Eyes, sa shooting niini didto sa Los Angeles. Kauban ni Leandro iyang pamilya niining maong bakasyon.

Ibalik ang nindot

“Super Like” ang tema sa Party Pilipinas ugmang adlawa. Buot pasabot, ibalik niini ang mga performances nga giganahan kaayo sa viewers sa milabay nga mga episodes.

Robin gisagang ni Rommel

Ang maguwang ni Binoe nga si Rommel Padilla maoy nanalipod sa action star kabahin sa pamahayag sa kanhi niini asawa nga si Liezel Sicangco nga matud pa napasagdan ni Robin ang ilang 10 anyos nga anak nga si Ali tungod ni Mariel Rodriguez.

“Nirerespeto ni Robin at hinahangaan ang pagigingi na ni Liezl at nagpupugay sa malalim niyang pagmamahal at pagpapalaki sa kanilang mga anak. Ang pagsamo ni Robin sa kanya bilang isang magulang ay kanya ring namnamin ang kanyang pagiging ama.

“Si Ali ay lalaki at sa kanyang edad ngayon na 10 taong gulang ay dapat na siyang magpakalalaki, at hindi nagkaroon at magkakaroon ng pagpapabaya sapagkat pamilya namin ang nakapaligid sa mga anak ni Robin at kailanman ay hindi sila lalayo at magpapabaya sapagkat ang puhunan nila’y buhay para sa buhay.”

Kahinumduman nga namahayag si Liezel nga wala nay panahon si Robin kang Ali gumikan kang Mariel busa kuhaon na lang niya pa ang bata aron siya maoy muatiman didto sa Australia.

Anne nahadlok ni Claudine

Dako kaayo og respeto si Anne Curtis kang Claudine Barretto hinungdan nga sa ilang eksena sa “In Your Eyes” diin kinahanglan niyang sagpaon ang nahauna nagpanagana ang dalaga.

“Sobrang tensed ako kasi I have so much respect kay Ate Clau. Nahihiya akong sampalin niya,” nagkanayon siya ngadto sa PangMasa.

“But when we had a talk ni Ate Clau before the take, she said na it’s okay for me to slap her. It’s one of the highlights of the movie kasi and I really have to do it. Doon kasi sa sampal ko na iyon manggagaling ang reaction ni Ate Clau sa eksena,” nagkanayon siya.

Lahi pud matud pa ang iyang gibati sa ilang eksena ni Richard Gutierrez sa nahisgutang pelikula.

“Kami naman ni Chard, lagi naman din kami nagkikita. We have the same group of friends naman. We talk and we are in touch with one another. Iba talaga kapag gano’n lang at iba ang work talaga.

“Matagal ko kasing hindi na nakatrabaho si Chard in a project. Huli naming nagsama, sa TV pa. So ‘yung work hindi ko alam how to approach it with him,’’ tin-aw pa niya. (BANATSHOWBIZ)