Baby

CEBU, Philippines - Mapasigarbohong gipadayag ni  Maxene Magalona  “baby” ang tawganay nila sa iyang uyab nga si Renz Fernandez.

Moral support

Todo suporta ang gihatag ni Jodi Sta Maria sa political career sa iyang boyfriend nga si Jolo Revilla. Kanunay nga masigpatan si Jodi nga nagkuyog-kuyog sa pipila ka mga kalihukan nga tambongan ni Jolo didto sa Cavite.

Showbiz gipadaplin ni Alfred

Dili pa matino ni  Quezon City Councilor Alfred Vargas kung kanus-a siya mobalik sa showbiz gumikan kay busy kini sa iyang kandidatura pagka- kongresista  sa 5th District sa maong dapit.

Wala magkasinabot

Nakadawat og mga pagsaway ang komedyanteng aktres nga si Gladys Guevarra gumikan kay mideretso kini og padungog-dungog kang Paolo Contis.Giingong nagtuo si Gladys nga siya maoy gipasabot ni Paolo nga matud pa nga tawo nga dali nga mahanaw kung dunay problema ang ilang higala.

Ikaw na gyud Heart!

Gikuyogan  gyud ni Heart Evangelista ang iyang uyab nga si  Senator Chiz Escudero sa birthday party ni  Armida Siguion-Reyna sa miaging gabii didto sa Makati City.

Apil si Hayden

Malakip si Hayden Kho Jr. sa  umaabot nga pelikula nila ni Lovi Poe ug Paulo Avelino. Suma pa nga magsagunson na unya ang mga proyekto ni Hayden.

Aiza ug Tom gihangop

  Nagmaya  ang singer-actress nga si Aiza Seguerra gumikan sa paghangop sa katawhan sa team-up nila ni  Tom Rodriguez sa  hit series nga  "Be Careful With My Heart" nga gibidahan nila ni Richard Yap ug  Jodi Sta.

Cielo gilayasan ni Biboy

Miatras si Biboy Ramirez sa bag-ong serye sa GMA-7 nga Cielo de Angelina gumikan kay gipili niini ang Enchanted Garden sa TV5. 

Prinsesa ang treatment

Gilibrehan gyud ni John Lloyd Cruz sa usa ka labing mahalon nga restaurant didto sa Japan ang iyang uyab nga si Angelica Panganiban. Matud pa nga tulo ka adlaw ang pagpa-reserve sa maong kan-anan ug duna kini dress code.  (Sanden J. Anadia)

Marie sa MYX

Ang  half-Japanese ug half-Irish American singer nga si Marie Digby maoy celebrity VJ sa MYX karong buwana. Misikat si Marie gumikan sa iyang mga cover songs sa You Tube ug usa sa mga  gipistahan mao ang version niya sa What I’ve Done sa Linkin Park.

David nahugyaw ni Mark

Nahugyaw pag-ayo si David Foster ngadto sa kanhi finalist sa X-Factor nga si  Mark Mabasa human iyaha kini nga gipakanta atubangan sa   3,000 ka mga tawo.

Matud pa niya naglantaw  ra siya sa concert ni David didto sa Singapore  ug nataymingan nga nitawag kini og audience.

"That time kasi ang daming nagtataas ng kamay, nagtaas ako ng kamay. Eh 'yung mga katabi ko, naririnig ako kumanta, sumasabay ako kay David. So tinuturo nila ako, 'Here, he's good!' So tinawag ako ni David," suma pa ni Mark ngadto sa ABS-CBN News. (BANAT NEWS)