Heart-to-heart talk
CEBU, Philippines - Kinasingkasing na pud matud pa nga nag-istorya sila si Robin Padilla ug Aljur Abrenica. Giklaro matud pa ni Aljur ngadto kang Binoe nga tinarong ang iyang tinguha ngadto sa anak niini nga si Kylie Padilla.
Nose ring
Nagpabutang og nose ring didto sa Paris si Michelle Madrigal. Kauban niya nga nibakasyon sa maong dapit sila si Ehra Madrigal, Solenn Heussaff, ug Bianca King.
Target ni Eugene
Mobakasyon una si Eugene Dominggo sa ubang nasud sa dili pa niya gamaon ang pelikula kung diin makauban niya ang hunk actor nga si Jake Cuenca. Matud pa niya nga naghinam-hinam na siya nga makauban ang aktor ug panghinaut pa niya nga makabaton sila og intimate scene.
Carlo mibalik sa Dos
Nibalik na sa tugkaran sa ABS-CBN si Carlo Aquino ug duna siya’y umaabot nga proyekto alang sa Cinema One Originals. Matud pa sa aktor nga gimingaw na siya pag-ayo sa mga ka-batch niya nga artista sama sa higala niya nga si Angelica Panganiban.
Dili close
Giangkon ni Barbie Forteza nga dili sila close ni Bea Binene apan iyang gihimakak ang miulbo nga istorya nga matud pa nag-away sila niini. Matud pa niya nga imposible kaayo ang maong taho ilabi na karon nga usahay na lang sila magkita niini gumikan kay duna sila’y tagsa-tagsa ka mga proyekto sa GMA-7.
Nora gihulipan ni Gina
Gitanyag matud pa ngadto kang Nora Aunor ang proyekto nga Mater Dolorosa nga nalakip sa Cinema One Originals Film Festival apan wala kini tuguti sa TV 5 hinungdan nga napunta ang maong proyekto ngadto kang Gina Alajar.
Isabelle wala’y labot sa poster?
Adunay migawas nga mga hungihong nga matud pa nga ang hulagway lang nila ni Sarah Geronimo ug John Lloyd Cruz ang ibutang sa poster sa pelikulang It Takes a Man and a Woman ug dili ilakip ang dagway ni Isabelle Daza. Apan dili matud pa makatugot niini ang manager ni Isabelle nga si Leo Dominguez.
Lokomoko manamilit na
Hapit na manamilit sa ere ang Lokomoko sa TV5 apan hulipan kini og laing comedy show nga nag-ulohan og CCTV o Crazy Company TV. Sila si Edgar Allan Guzman, Alwyn Uytingco, ug JC de Vera pa maoy pipila lang sa mga bitoon sa TV 5 nga malakip sa maong show. (BANAT NEWS)
- Latest