Piolo, Leandro nag-uunahan kay Juday

Konti na lang ang kailangang gawin ni Piolo Pascual at mai-in love na sa kanya si Judy Ann Santos. Mismong si Judy Ann ang nagsabi na happy siya everytime na magkasama sila. At in-between takes ng pelikula nilang Kahit Isang Saglit with Leandro Muñoz, magkayap sila. Sa ganitong set-up din nag-start ang relationship nila ni Wowie de Guzman. "Hindi pa naman masyado. Si Piolo kasi grabe ang pagka-gentleman. Parang feeling ko tuloy, long hair ako as in ang ganda-ganda ko," natatawang sabi ni Juday after the presscon of Kahit Isang Saglit sa Studio 1 ng ABS-CBN. "Basta mabait siya at masaya kami tuwing magkasama," she adds.

Sa case naman nila ni Leandro, ayaw bigyan ng malisya ng aktres ang pagiging sweet ng aktor sa kanya. "Kapatid talaga ang turing ko sa kanya. Kasi high school pa lang, kilala ko na siya. Both of them are sweet kaya nga nang ginagawa namin ‘yung movie wala kaming naging problema. Sana nga lahat ng leading man, katulad nila, para masaya lahat," Juday avers.

Anyway, during the time na nagso-shooting sila, ipinagluluto ni Judy Ann sina Piolo and Leandro everytime na malapit sa bahay niya ang shooting.

Kapwa nakasama na ni Judy Ann sina Piolo at Leandro. Si Piolo sa Esperanza (The Movie) at si Leandro sa Isusumbong Kita sa Tatay Ko starring Fernando Poe Jr. "Kaya nga komportable na kami working with each other. Hindi ko na kailangan mag-adjust sa kanila at ganoon din sila sa akin," she says.

For the record, inamin ng aktres na tumagal din ng almost two years ang relationship nila ni Wowie de Guzman. Nagulat ang lahat nang aminin ni Judy Ann ang tungkol sa kanila ni Wowie. In fact, hindi siya ang inaasahang aamin nito kundi ang dati niyang ka-loveteam. "Siguro naman walang masama sa ginawa kong pag-amin. Eh ano naman kung naging kami, saka tapos na ‘yun.

"Nag-decide na rin akong umamin once and for all para hindi na ako tinatanong-tanong," paliwanag niya. Very open noon ang dalawa (Judy Ann and Wowie) sa pagiging sweet nila, pero never silang umamin.

Anyway, going back to Kahit Isang Saglit na nagkaroon ng issue na ni-reshoot ang 50%, ayon kay Juday hindi naman talaga reshoot kundi nagdagdag lang sila ng ilang eksena.

"Nagtataka nga kami kung bakit ang daming intrigang lumalabas na kesyo inulit namin ‘yung maraming eksena. Samantalang nagdagdag lang kami ng eksena dahil nga para lalong gumanda ‘yung movie. ‘Yun lang at wala nang iba," Juday explains.

The movie also stars Tracy Vergel, Bernard Palanca, Mark Gil, Julia Clarete and Carmi Martin.

* * *

May directorial debut na si Gilbert Perez, ang Kahit Isang Saglit although noon ay hindi niya pinangarap na maging director. Pero bilang executive producer sa iba’t ibang show - Flames, Maalaala Mo Kaya, Wansapanataym at iba pang ABS-CBN shows, nagsimula siyang mangarap na maging direktor. At nang i-offer sa kanya ng Star Cinema ang pelikula nina Juday, medyo ki-nabahan siya.

"It’s a story about letting go and moving on. Anong mangyayari kung ang kapalaran ang nag-intervene sa plano ng isang tao. Ganoon ang magiging takbo ng pelikula. It’s a feel good movie kaya hindi ako nahirapan kahit first time kong mag-direk ng pelikula," he says.

* * *

Dalawang hip-hop group ang ipinakilala ng sister company ng Universal Records, Ill Kamp Records - Apokalipsis at Fung Zoi sa Phenomena Disco last Saturday night. "Dimsum Delight" ang title ng album ng Fung Zoi at self-titled album ang sa Apokalipsis.

Maraming press ang hindi masyadong naka-relate sa mga kanta ng grupo dahil masyadong bulgar ang ginamit na language sa bawat kanta as in hindi advisable sa mga batang below 18 years old.

Fung Zoi caters to ever growing hip-hop audience - a harmonious and delectable blend of the the underground and commercial sides of rap. Dalawa sila sa Fung Zoi - Ryan Garcia supplies the underground flavors samantalang si Tyrone Paul ang nagpo-provide ng commercial condiments na sa kabuuan ay naging Fung Zoi. Pero underground man ito o mainstream, Fung Zoi’s own kind of music is entirely contemporary which give them the upperhand to relate today’s generation. Kaya kahit ang mga txt maniacs ("Txt Mate") at Pokemon fans ("Pokemon") ay ma-appreciate ang kanilang kanta.

Ang Apokalipsis (Ang Pahayag O Katotohanan At Lirikong Isinulat Para sa Inaping Sugatan) ay new age hip-hop group na binubuo nina Duanesis, Rhyxodus at DJ Savage. Ang kanilang first single "Sang Linggo" mula sa kanilang selt-titled album ay showcase ng kanila spittin’ ill lyrics.

Sa pamamagitan ng kanilang 17 tracks ng album ang mga makikinig ay magkakaroon ng awareness kung paano sila mag-react at ang mga kabataan sa mga issues, buhay, pag-ibig and other stimuli na nakaapekto sa ating existence.

Ayon sa grupo, inaasahan nilang maiintindihan ng bawat makikinig ang bawat kanta nila.

Ang album ng Fung Zoi at Apokalipsis ay mabibili sa murang halaga - CD, P150.00 at cassette, P100.00 under Ill Kamp Records.