Napagkamalang utility girl ang sikat na seksing aktres

Kahit nagbida na sa pelikula ang aktres na ito ay hindi siya mahilig maglagay ng make-up. Minsan ay dumalaw siya sa isang kaibigang aktres sa syuting para sunduin ito dahil may pupuntahan silang sosyalan pagkatapos kunan ang eksena ng kaibigan.

Nang dumating ito sa set ay dinner time na. Habang hinahanap ang kaibigang aktres ay may tumawag ditong baguhang starlet at inuutusan siyang igawa siya ng kape. Naimbyerna bigla ang dumalaw na bituin dahil napagkamalan siyang utility girl. Kapag wala kasi itong make-up ay para siyang ordinaryong babae lang.

Ang aktres ay alaga ng kontrobersyal na manager at mabilis na gumagawa ng pangalan dahil sexy ito at nagbida na sa ilang ST movies.