Rollback sa presyo ng petrolyo

MANILA, Philippines - Magpapatupad ngayong araw na ito ng Martes (Mayo 2) ng bawas presyo ng produktong petrolyo  ang mga kompanya ng langis.

Ito ay pinangunahan ng Pilipinas Shell, na nagtapyas ng halagang P0.85  sa kada litro ng gas, P1.00 sa kada litro ng kerosene at  P0.70 naman sa kada litro ng diesel, epektibo ito ng alas-6:00 ngayong araw na ito.

Sinundan naman ito ng PTT Philippines, na kapareho ang halaga.

Asahang magpapatupad na rin ng rollback ang iba pang kompanya ng langis ng kahalintulad ang halaga.

Ang panibagong rollback ay bunsod ng paggalaw ng presyuhan nito sa world market.