Balaud sa iho, pagi ipapasar

CEBU, Philippines -  Grupo sa mga environmentalists niawhag sa nasudnong kagamhanan sa pagpasar na sa National Shark and Ray Protection Act.

Matud ni Vince Cinches, Philippines ocean campaigner sa Greenpeace Southeast Asia, nga ang iho ug pagi hinay mosanay ug angay lang protektahan.

Matud sab ni Holger Horn, squadron director sa Philippine Coast Guard, nga angay protektahan ang sektor sa fisheries aron maseguro ang food security sa mga coastal nga rehiyon sa nasud.

Pinaagi sa kusganong proteksiyon, matud ni Horn nga dili sab kalimtan ang paghimo og mga alternatibong panginabuhian sa mga mananagat.

Ang kagamhanan sa Probinsiya sa Sugbo molusad karong adlawa sa Fishermen-Scientist RDE Training Program (FishSTP) sa Taloot, Lungsod sa Argao.

Tumong sa maong programa nga ang mga mananagat makabaton og tukmang kahibawo ug teknolohiya kabahin sa aquaculture/marine-culture ug post-harvest sa processing sa produkto, ug pag-apply sa tukmang fishery conservation measures aron maseguro ang sustainability sa resources.

Ang maong programa langkuban sa tulo ka phases diin ang phase I mao ang research exposure, values formation and technical empowerment diin lakip niini ang pagpahigayon og experiments alang sa pagsuta sa nagkalain-laing feeds, stocking density ug distansiya sa pagtanum sa mga goso.

Ang phase II sa programa mao ang on-site fishermen technology transfer and adaptation diin obserbahan sa mga mananagat ang survival rate, growth rate, yield, area ug economic efficiency sa cultured commodities.

Ang phase III mao ang extension-fishermen-to-fishermen technology transfer diin ang mga mogradwar sa phase I ug phase II maoy motudlo sa ilang mga silingan kinsa interesado nga makakat-on sa fish ug seaweeds cultivation. Mitchelle L. Palaubsanon ug Brenda D. Batuto (BANAT NEWS)