Love Story

Dear Banat News,

Hello sa tanang Banat News readers. Ako diay si Clarisse,  25  years  old ko karon ug  naa ko’y uyab nga ginganlan og Topher, 26 years old.

Nagkaila mi sa akong boyfriend kay classmates pag-high school diha sa Abellana National School.

Nagkakita mi og balik sa among class reunion niadtong 2015.Ug tayming sad kaayo nga puros mi single niadtong higayona.

Nag-reunion among batch sa usa ka resort sa Lapu-Lapu. Sa pagpangaligo namo og dagat, nakabantay na gyud ko ni Topher nga nagpa-cute nako, permi siya nga magpapansin nako.

Tungod kay sige man siya og papansin nako, nakuha gyud niya ang akong atensyon.

Niapil siya sa among tapok sa tagay, ug kami gyud ang nagkatupad. Nagkalami ang among pag-istoryahanay ug naabot gyud sa punto nga nangayo siya sa akong cellphone number. Sa pagsige nako og tutok niya,  nakabantay ko nga naa man diay siya’y appeal uy, wala lang gyud ko kapansin sa iyang kaguwapo niadtong high school pa mi.

Cute siya mo-smile ug naa siya’y sense ka-istorya busa mura pud og ni-spark ang akong mga mata kun motan-aw ko kaniya. Laktod pagka-istorya, nadala ko sa iyang pagpa-cute dinhi kanako.  Pagkahuman sa reunion, iyaha gyud ko nga gihatod sa amo.

Na-feel nako nga taas kay ko og buhok niadtong higayona.  Kun mo-text siya nako, dali ra kay ko mo-reply. Basta mag-text text ming duha, akong smile maabot sa pikas buntod  ug mag-heart heart ang akong mga mata. Sweet kaayo siya mo-text, akong pamati kay mura gyud ko og prinsesa.  Kun mag-date, grabe siya ka romantic, kay adto gyud mi sa  restaurant nga  dili kaayo common.

Human sa tulo ka buwan sa pagsige og date, nanguyab dayon si Topher kanako ug niangkon siya nga ganahan kaayo siya nako kay dili daw ko arte ug buotan daw ko. Girl baya ko, so wala dayon ko mosugot ug ako siya giingnan nga ganahan pa ko makaila og maayo sa iyang batasan busa nangayo ko og time sa dili pa nako siya sugton. Taas kaayo og pasensya si Topher, gipakita gyud niya kanako nga sinsero siya sa pagkab-ot sa akong kasingkasing. Dili gyud siya mauwaw nga mobisita sa amo, ug nauyonan na pud sa akong pamilya ang iyang batasan. Nanguyab si Topher nako niadtong February   20, ug ako siyang gisugot niadtong May 3, nga birthday nako.

Sa dihang akong gisugot si Topher, mura  gyud siya og bata nga puwerting ambak-ambak sa kalipay.

Bisan pa man nga duna nako’y tinagoan nga feelings kaniya sa dihang dili pa mi uyab, wala nagpasabot nga madala dayon ko sa iyang diskarte.

Busa ako siyang gisugot sa dihang naabot ang time nga ready nako nga ako siyang pasudlon sa kasing-kasing.  Bisan dugay nako siya gisugot, wala gyud mo-surrender si Topher ug didto ko nibilib niya og samot.  Sa pagka –karon ,  strong kaayo ang among relationship. Request diay ko sa lyrics sa Way Back Into Love by Hugh Grant.

Hi Clarisse    ! Thank you so much sa imong LOVE STORY! Paabuta ugma puhon ang imong request