Sarah target sa KathNiel

CEBU, Philippines - Gipangandoy  nila ni Kathryn Bernardo ug Daniel Padilla nga  makauban puhon si Sarah Geronimo sa usa ka proyekto.

Una na nga niduol si Daniel ngadto sa Star Magic executive nga si  Johnny Manahan ug nangutana kung duna ba’y posibilidad nga mahatagan og katumanan ang ilang pangandoy.

Samtang si Kathryn sa iyang bahin, niangkon kini nga fan siya ni Sarah busa usa ka hugyaw nga proyekto kung magkauban sila niini.

“Ako rin gusto ko maka-work si ate Sarah. Fan ako ni Miss Sarah Geronimo. Kung magkaroon siguro sila ng project together in the future with or without me, support na lang natin kasi gusto niya yun and para mabigyan din tayo ng ibang opportunity. Cute naman din if ever mangyari kasi big fan ako ni ate Sarah,” saysay pa sa aktres ngadto sa ABS-CBN News.

Sa pagka-karon, busy sila si Kathryn ug Daniel sa preparasyon sa ilang upcoming show sa ABS-CBN nga  “La Luna Sangre.”

“Puro training. Kailangan namin maging ready physically. Hindi ko alam kung puwede kong sabihin kung ano ang training namin pero bago siya sa akin so kailangan ko aralin. Nakaka-excite. Habang nagte-training ka, ini-imagine mo na. Ine-explain nila sa yo. Kailangan nila talaga abangan yun,” suma pa ni Kathryn.  

Yassi ekslusibo na sa Dos!

Gipapirma na sa ABS-CBN og duha ka tuig nga exclusive contract ang 21 anyos nga aktres nga si  Yassi Pressman.

Nahitabo kagahapon ang  contract signing nga gitambongan sa pipila ka  ABS-CBN executive  nga sila si  Cat Lopez, Cory Vidanes, ABS-CBN President Carlo Katigbak, VIVA Artists Agency President Veronique del Rosario-Corpus, ug  ABS-CBN TV Production head Lauren Dyogi.

Nasayran nga nahatagan og dakong exposure si Yassi sa serye ni Coco Martin nga FPJ's Ang Probinsyano.

Una na nga nakalugwa si Yassi kaniadto sa pipila ka mga programa sa GMA-7 ug TV5.   (Sanden J. Anadia)

Rhian modaog-daog kang Jennylyn?

Gidungog nga malakip si Rhian Ramos sa  Philippine adaptation sa seryeng   My Love From The Star nga pagabidahan ni Jennylyn Mercado.

Matud pa sa niulbo nga taho nga dalhon ni Rhian ang karakter ni Rachel  nga kontrabida sa kinabuhi ni Steffe nga pagadalhon ni Jennylyn M.

Ang Fil-Spanish model Gil Cuerva maoy leading man ni  Jennylyn sa maong serye nga pagadumalaon ni Direk BJoyce Bernal.

Katapusang nilugwa si Rhian  sa  afternoon drama series sa GMA-7 nga  Sinungaling Mong Puso.  (BANAT NEWS)