Pres. Duterte ‘lucky charm’ Kylie nagulat sa panalo sa Miss International

Cry me a river si Miss Philippines Kylie Verzosa sa announcement na siya ang nanalo ng Miss International crown sa beauty pa­geant na ginanap kahapon sa Tokyo, Japan.

I’m sure, nagulat si Kylie dahil hindi ito nag-expect na mananalo bilang ibang kandidata ang pinapaboran na mag-win.

Pero si Kylie ang nag-uwi ng Miss International crown dahil sa kanyang speech na hinangaan ng judges at ng mga nanood sa YouTube.

Ipinagbubunyi ng mga Pinoy ang tagumpay ni Kylie na memorable dahil naroroon din sa Japan si President Rodrigo Duterte para sa state visit nito.

Mga runner up ni Kylie sina Miss Australia Alexandra Britton ( 1st ), Miss Indonesia Felicia Hwang ( 2nd ), Miss Nicaragua Brianny Chamorro ( 3rd ) at Miss USA Kaityrana Leinbach ( 4th ).

Tuwang-tuwa ang Bb. Pilipinas Charities Inc. sa tagumpay ni Kylie at nag­hahanda na sila para sa grand homecoming ng beauty queen mula sa Baguio City.

Naglabas agad ang BPCI ng statement tungkol sa panalo ni Kylie sa Miss International;

“Congratulations to the new Miss International 2016 Kylie Verzosa, besting over 69 other candidates in the pageant held in Tokyo, Japan.

“Your journey of finding true beauty and strength is an inspiration to every Filipina; and your advocacy is a shining example of selflessness and true humanity that many should emulate. BPCI is proud to have supported you every step of the way.”

Nagkita sina Papa Rody at Kylie noong Martes bago idinaos ang Miss International finals.

Feeling lucky si Kylie dahil sa pagtatagpo nila ni Papa Rody na mainit din na tinanggap sa Japan.

“Today I am the luckiest!!! President Duterte at his state visit to Japan, felt at home with all the Filipinos. Thank you for all your good energy, thank you to everyone who made this possible,” ang pralala ng newly-crowned Miss International tungkol sa encounter nila ni Papa Rody.

Beauty Queen sa kuwadra ni Jonas parami nang parami

Alaga ni Jonas Gaffud si Kylie kaya nadagdagan na naman ang mga international beauty queen sa kuwadra niya.

Si Jonas ang manager at mentor ni Miss Universe Pia Wurtzbach. Siya rin ang nagsali kay Catriona Gray sa Miss World Philippines. Si Catriona ang official delegate ng Pilipinas sa Miss World 2016 sa December. Marami ang nagsasabi na malaki ang tsansa ni Catriona na mag-win.

Talent din ni Jonas si Maxine Medina, ang bet ng Pilipinas sa Miss Universe 2016. Kapag nanalo sina Catriona at Maxine sa mga beauty contest na lalahukan nila, wala nang liligaya pa kay Jonas dahil nasungkit ng kanyang mga alaga ang mga major international beauty title.