Diha sa kahilom

Oktubre 23, 2016: Ikakatloan nga Domingo sulod sa tuig world mission Sunday

Mga pagbasa:  Sir. 35; 12b-14, 16-17/Sal.34/2 Tim 4;6-8,16-18/Lk. 18;19-14

Kausaban. Kini ang gipangandoy natong tanan. Apan sa pagkab-ot nato niini daghan nato ang nahimong mga mapintason ingon man mapahitas-on hangtud nga atong gihimo ang atong kaugalingon ingun nga sukaranan sa moralidad alang sa uban.

Kusog kaayo tang mobato sa atong pagsuway apan hikalimot kita nga kita ang nahimong salawayon usab. Diha sa kahilom atong usisahon ang atong kaugalingon kun nahimo ba kitang mga tawo nga nagbag-o. Diha sa kahilom atong tan-awun ang atong kaugalingon ingun mga tawong nangindahay sa kabag-ohan taliwala sa atong kayano ug dakong panginahanglan.