Barangay chairman itinumba
MANILA, Philippines – Patay ang isang brgy. chairman matapos itong pagbabarilin ng hindi pa nakikilalang apat na mga armadong salarin, kamakalawa sa bayan ng Bacnotan, La Union. Kinilala ang nasawing biktima na si Brgy. Chairman Aurelio Mique Jr., ng Brgy. Bitalag ng lalawigang ito. Sa ulat ng La Union Police, kasalukuyang pauwi na ang biktima sa kanilang tahanan nang bigla na lamang pagbabarilin ng mga suspek na lulan ng dalawang motorsiklo.
Ang biktima ay lulan ng kaniyang behikulo nang biglang tumigil ang motorsiklo ng mga suspek at pagbabarilin ito ng mga backriders saka mabilis na tumakas patungo sa hindi pa malamang destinasyon. Samantalang bunga ng insidente matapos na mapuruhan ng mga tama ng bala ay bumangga pa sa malaking puno ang sasakyan ng biktima na tuluyang nasawi sa insidente. Patuloy naman ang masusing imbestigasyon ng mga awtoridad sa motibo ng krimen.
- Latest
