La Salle, Ateneo players sa isang PSL team

MANILA, Philippines -  Bubuksan ng Philippine Superliga (PSL) ang bagong season tampok ang isang bagong koponan, isang bagong sponsor at dalawang guest teams sa paghataw ng PSL Invitational Conference sa Marso 4 sa FilOil Flying V Center sa San Juan.

Pinangungunahan ng mga star players ng Ateneo de Manila at De La Salle University, inaasahang lalaban nang husto ang Cocolife kontra sa mga regular squads na Foton, F2 Logistics, Cignal, Petron at Generika.

Papasok din ang bagong koponan na hahawakan ni seasoned coach Sammy Acaylar pati ang isang guest team mula sa Japan na maglalaro sa semifinals.

Ipinakilala ni team official Joshua Ylaya ang Cocolife na babanderahan nina Michele Gumabao, Denden Lazaro, Wensh Tiu, Therese Gaston, Erika Alkuino, Mika Esperanza at Rose Vargas.

Si American coach Airess Padda ng Adamson University ang tatayong head coach ng Cocolife.

Ipa-finalize ng koponang tatawaging Asset Managers ang kanilang official line-up matapos ang NCAA season.

“This is an attempt to break the barrier between Ateneo and La Salle players,” wika ni Ylaya, miyembro ng La Salle squad na umangkin sa 2003 UAAP men’s tournament title. “We want to show that even if these players are rivals on the court during their college days, they are still friends off the court and can play together in one team.

Dumalo din sa team launch sina Cocolife Vice President of Broker Servicing Department Atty. Francis Nob, Cocolife Assistant Vice President for Marketing Christopher Ponce, PSL president Ramon Suzara at PSL chairman Philip Ella Juico.