Wapakels Sila!

WALANG pakialam sila at hindi mo kailangang magpaliwanag kung:

Iba kaysa nakakarami ang iyong espiritwal at pulitikal na paniniwala.

Nakikipagrelasyon ka sa iyong kabaro.

Mas gusto mong mag-isa kaysa makibarkada. Maging single kaysa makipagrelasyon.

Ayaw mong mag-sorry dahil buo ang iyong paniwala na wala kang dapat ihingi ng paumanhin.

Kumontra ka sa opinyon nila.

Kung ayaw mong makisama sa mga tsismosang kapitbahay kahit pa pagbintangang suplada ka.

Kakaiba ang iyong hitsura. Iba ang kulay ng buhok, may hikaw sa dila, maraming tattoo kahit babae, kumportable ka sa iyong timbang.

 Saan ka nakatira at anong uri ng iyong neighbourhood.

May puntong probinsiya ka.

Ano ang iyong financial situation. Kaya lang, kung ayaw mong pakialaman sa pagkakataong ito, dapat ay iwasan mong mangutang.

Kakaiba ang iyong family background.

Ano ang iyong sex life. Doctors at therapists lang ang bibigyan mo ng pagkakataong pakialaman ka tungkol dito.