Parekoy (86)
“ANG bilis naman ng epekto ng Oleic Juice!’’ Namamanghang nasabi ni Coleen makaraang maubos ni Sarah ang juice.
Maski si Lino ay hindi makapaniwala sa ipinakikitang pagbabago ni Sarah.
“Baka wala pang isang linggo ay magaling na ma-galing ka na Sarah!’’
“P-palagay ko nga Parekoy. Bigla akong nakadarama ng kakaibang lakas. Tingnan n’yo at nakakaupo na ako kahit hindi nakasandal sa unan.’’
“Oo nga!” Sabi ni Coleen.
“Pambihira ito!” Sabi ni Lino at hinawakan nang mahigpit ang palad ni Sarah. “Salamat sa Diyos at guma-galing ka na, Sarah.’’
“Malaki ang utang na loob ko sa’yo, Parekoy. Kung hindi dahil sa pagsisikap mong hanapin si Cielo ay hindi mangyayari ito.’’
“Nagawa ko iyon dahil sa tapat at malinis kong pag-ibig sa iyo Sarah.’’
“G-gusto ko Parekoy kapag malakas na malakas na ako, pakasal na tayo.’’
“Totoo Sarah?’’
“Oo.’’
“Nakakainggit naman kayong dalawa,” sabi ni Coleen at hinawakan sa balikat si Sarah. “Kunin n’yo akong bridesmaid ha?”’
“Oo naman, Coleen.’’
Maya-maya ay may napansin pa si Coleen sa itsura ni Sarah.
“Sarah, bumabalik na ang kintab ng buhok mo. Parang nagkaroon na ng sigla at buhay. At ang mga mata mo, may kislap na.’’
“Talaga Coleen?’’
“Oo. Teka at bibigyan kita ng salamin para mo makita ang sarili.’’
Binigyan ni Coleen ng salami si Sarah at sinipat ang sarili. Hindi makapaniwala si Sarah sa nakita sa salamin. Napakaganda niya!
“Ako ba ito, Coleen?’’
“Oo. Napakaganda mo, Sarah. Talagang umepekto na ang Oleic Juice!’’
“Magaling na nga ako. Salamat sa Diyos!’’
“Pero ipagpapatuloy mo pa rin ang pag-inom ng juice,” sabi ni Lino.
“Oo. Uubusin ko ang pitong bottle.’’
Masayang-masaya si Lino. Lutas na ang problema.
(Itutuloy)
- Latest