3 negosyante ng droga, itinumba
BULACAN, Philippines - Tatlong kalalakihan na sinasabing sangkot sa bentahan ng shabu ang natagpuang nakabulagta sa naganap na magkakahiwalay na karahasan sa mga bayan sa Santa Maria, Plaridel at San Jose Del Monte City sa Bulacan kahapon.
Nagtamo ng mga tama ng bala sa katawan ang mga biktimang sina Roderick Sagaral, 34, ng Garden Village sa Brgy. Pulong Buhangin, Santa Maria; Eduardo Torres, 46, ng Barangay Parulan, Plaridel; at si Apollo Chavez, 46, ng Barangay Bagong Buhay I, San Jose Del Monte City.
Base sa ulat na nakarating sa Camp Alejo Santos unang nagtapuang patay si Sagaral na binalutan ng duck tape ang mukha, mga kamay, at paa saka binigti ng alambre sa Sitio Pulong Bocaue, Brgy. Silangan sa Santa Maria.
Samantalang si Torres na nasa waiting shed sa Brgy.Bañga 1st, Plaridel ay pinagbabaril naman ng riding-in-tandem assassins bandang alas-2:30 ng hapon.
Maging si Chavez na kumakain lamang sa gilid ng kalsada ang niratrat ng motorcycle-riding gunmen bandang alas-9 ng gabi.
Narekober sa tatlong crime scene ang 10-basyo ng cal .45 pistol.
- Latest
