MPD- Station 3 tutulug-tulog!
Magandang araw po.
Laganap po ang nakawan sa Dimasalang Bridge kung gabi at biktima ang mga katulad kong truck driver. Naglipana po sa kahabaan ng Dimasalang mula Blumentritt hanggang Maria Clara ang mga kawatan na umaakyat sa mga truck.
Ang ilan sa mga kawatan na ito ay yun ding mga nanghihingi ng pera sa mga truck driver. Pagsapit ng gabi, naglulutangan na ang mga kawatan na ito at lumalapit sa mga truck na naiipit sa trapik.
Minsan nang naireklamo ang mga kawatan at nanghihingi sa mga drayber pero walang ginagawa ang hepe ng MPD-Station 3. Ilang metro lang ang layo ng PCP sa lugar pero walang pulis na sumasaklolo sa mga kawawang truck driver.
Nananawagan po ako kay PNP chief Dir. Gen. Ronald dela Rosa na saklolohan ang mga driver sa kamay ng mga kawatan sa Dimasalang. Salamat po. — VIC MANALO, Karuhatan, Valenzuela City
- Latest
