Sir Juan (116)

PILIT na isiniksik ni Nectar ang katawan sa ilalim ng kama ni Sir Juan. Mabuti na lang at slim siya kaya napagkasya ang katawan. Hindi siya humihinga habang pinakikiramdaman ang pagpasok ni Sir Juan.

Nakita niya ang pagpasok ni Sir Juan. Naka-shorts ito. Nasapol ng kanyang tingin ang nakabukol sa harapan nito. Napangiti siya kahit pilit na hindi humi-hinga para huwag mahalata ni Sir Juan.

Galing siguro sa comfort room si Sir Juan. Dyuminggel siguro o baka naman sa kitchen.

Sandaling naupo sa silya si Sir Juan at hinarap ang laptop na nakapatong sa mesa. Binuksan at may ginawa roon. Baka nagpi-Facebook. Likod lang ni Sir Juan ang kanyang nakikita. Wala itong kamalay-malay na may ibang tao sa kuwarto. Tiwalang-tiwala na walang nakapasok sa kuwarto.

Siguroy mga 15 minutes na nagtrabaho sa laptop si Sir Juan, nang magsawa ay nagtungo na sa kama at nahiga. Sa bigat ni Sir Juan ay halos sumayad ang kutson sa likod ni Nectar. Lumangitngit pa ang kama.

Wala pa ring kakilus-kilos si Nectar. Hindi siya gumagawa ng anumang ingay at baka maramdaman ni Sir Juan na may ibang tao sa kanyang kuwarto.

Nag-iisip si Nectar ng mga susunod na gagawin. Pahihimbingin muna niya si Sir Juan at saka siya lalabas sa pinagtataguan. Tatabihan niya ito sa pagkakahiga at magigising na lamang ito sa sarap, ha-ha-ha! Kapag nangyari iyon, kanya na si Sir Juan. Nakaganti na siya kay Mahinhin!

Mga 15 minutes ang nakalipas at narinig ni Nectar ang mahinang hilik ni Sir Juan. Himbing na. Puwede na siyang lumabas sa pinagtataguan.

(Itutuloy)