Si Amihan, si Habagat
Pagpatak ng ulan halos walang tigil
Kaya nagdurusa itong bayan natin;
Ang hanging habagat kapag dumarating
Mga mamamaya’y baha ang kapiling!
Nasaan ang hanging banayad dumampi
Malamig, mabango ating pakiwari;
Ito’y ang amihang kapag naghahari
Maganda ang buhay ng mayama’t api!
Subali’t kapagka ang hangi’y nagbago
At hanging habagat dumarating dito;
Dahil sa masungit ay takot ang tao -
ang dala ay tubig at bahang delubyo!
Sa hanging amihan tayo ay masigla
Masayang maligo ang bata’t matanda;
Sa hanging habagat na bagyo ang dala
Lahat ng tahanan ang bintana’y sara!
- Latest