Malagkit na titigan ng BiGuel patok!

MANILA, Philippines — Dahil sa kakaibang konsepto ng kanilang programa, walang dudang nakuha na ng Kambal, Karibal nina Bianca Umali at Miguel Tanfelix ang puso ng mga manonood.

Matapos kasing muling mabuhay si Crisel (Pauline Mendoza) sa katawan ni Cheska (Kyline Alcantara), maraming nagtatanong kung ano ang susunod na mangyayari sa buhay ni Crisanta (Bianca). Titigilan na kaya nito ang kalupitan sa ibang tao o mas titindi pa ang pader sa pagitan ng magkakambal dahil kay Diego (Miguel Tanfelix)? Hindi maikakailang success itong maituturing ng GMA dahil bukod sa kakaibang plot twist, kinakikiligan din ang BiGuel. Solid na solid ang support na pinaparamdam ng kanilang loyal fans sa gabi-gabi nilang pagtutok sa programa.

In fact, titigan pa lang ng dalawa ay trending na. Abangan ang susunod na mga kabanata ng Kambal, Karibal weeknights sa GMA Telebabad.