UAAP hunk Ricci Rivero, ibubunyag ang sikreto
MANILA, Philippines — Pumutok ang pangalang Ricci Rivero sa nakaraang season ng UAAP sa kaniyang galing sa basketball at lakas ng dating lalo na sa mga kababaihan.
Ngayong Huwebes (Enero 11) sa Sports U, ipapakita ng 2017 Most Tweeted Athlete sa Pilipinas ang kanyang sikreto kasama ang kuyang si Prince at kanilang ama.
Bukod sa kanya, magpapakita rin ng pusong palaban ang marathoner na si Richard Salano na tinaguriang Kenyan Slayer dahil sa ilang beses na pagtalo sa mga banyagang kinatatakutan pagdating sa takbuhan.
Silipin din ang madugong training ng UAAP Cheerdance champions na Adamson Pep Squad sa pagdalaw sa kanila ni Dyan Castillejo ngayong Huwebes (Enero 11), 9:30 pm sa DZMM TeleRadyo pagkatapos ng Bandila sa ABS-CBN at ABS-CBN HD.
- Latest